Christian í Grótinum latin eigarunum í morgin

Nýggjasta uppsjóvarskipið í flotanum, Christian í Grótinum, verður latin eigarunum í morgin, og sunnukvøldið setir skipið kós ímóti Føroyum.

Christian í Grótinum er hygdur í Skagen, og seinastu tíðina hevur skipið gjørt royndir.

Nú er komið undir land, og klárt er at yvirtaka skipið, sigur Bogi Rasmussen, skipari úr Skagen.

Dópur og veitsla

Leygardagin verður skipið doypt, og fær navnið Christian í Grótinum.

Tá skipið er doypt, verður høvi hjá fólki at vitja umborð, og um kvøldið verður veitsla.

Sunnukvøldið er ætlanin at loysa, og seta kós ímóti Føroyum.

Á svartkjaft

So skjótt sum Christian í Grótinum er komin til Føroya, verður útgerð tikin umborð, og ætlanin er at fara fyrsta túrin eftir svartkjafti.

Ein teknikari verður við fyrsta túrin, og hann skal stilla trol og annað, meðan roynt verður.

Bogi Rasmussen

Bogi Rasmussen er skipari á Christiani í Grótinum.

Sí innslag um nýggja Christian í Grótinum, tá teir vóru royndartúr: