NATO í truplari støðu av russisku innrásini

Russiska innrásin í Ukraina setir NATO í eina sera truplari støðu.

- Leikluturin hjá NATO er at viga ímillum øðrumegin at verja ukrainska fólkið og hinumegin at forða fyri stórkríggi í Evropa. Tí er NATO ikki so ágangandi í Ukraina, sum hart kroysta landið sjálvt vil, sigur Jens Stoltenberg, NATO-aðalskrivari, við danska kringvarpið: 

NATO kann ikki enda í einum beinleiðis kríggi við Russland, staðfestir Jens Stoltenberg.

- Tað er stórur munur á at senda útgerð, eisini vápn, til ukrainsku herdeildirnar, og so vera við í sjálvum krígnum, har NATO-flogfør skulu skjóta russisk flogfør niður, sigur NATO-aðalskrivarin:

Støðan er tó somikið spent, at NATO fer at styrkja seg, bæði í Rumenia og baltisku londunum, segði Jens Stoltenberg eisini í samrøðuni við journalistin hjá danska kringvarpinum, Tinne Hjersing Knudsen.