Vestergaard: Vilja samráðast hóast hóttanir

- So skjótt sum fundarboð koma, eru Føroyar til reiðar at koma við einum ítøkiligum og undirbygdum uppskoti um kvotubýti, bæði í ár og næstu árini.

Jacob Vestergaard, landsstýrismaður í fiskivinnumálum, svaraði í gjár Mariu Damanaki, fiskivinnukommisseri hjá ES.

Hann sigur, at Føroyar eru altíð til reiðar at samráðast við øll hini strandarlondini um norðhavssildina.

Jacob Vestergaard sigur tó, at tey 17 prosentini, sum Føroyar hava ásett sær í ár, eru grundarlagið fyri samráðingum, sum Føroyar kunnu vera nøgdar við.