Eingin støða tikin til Hoydalar

Eingin støða tikin til Hoydalar
Samráðingar eru við Tórshavnar kommununu, men aðrar ætlanir verða eisini umhugsaðar, sigur Jenis av Rana, landsstýrismaður
Framvegis er eingin støða tikin til, hvat gerast skal við gamla skúlabygningin í Hoydølum.
 
03.03.2022 - 08:39

Enn er ongin endalig støða tikin til, hvat skal gerast við gamla studentaskúlabygningin í Hoydølum.

Tað upplýsir Jenis av Rana, landstýrismaður í mentamálum, í svari til Hervør Pálsdóttir, tingkvinnu, í grein 52 spurningi.

Landið og Tórshavnar kommuna hava samráðst um eitt býti, har økið í Hoydølum við gráa skúlabygningin og parkeringsøkið verða seld kommunini, meðan landið keypir partin hjá Tórshavnar kommunu av ognunum á Frælsinum til eitt nýtt kampus. 

Jenis av Rana sigur, at aðrar ætlanir verða eisini umhugsaðar, men tað er ov tíðliga at siga meira um hesar ætlanir.

 

Listalig miðstøð

Hervør Pálsdóttir spurdi eisini, um ætlanin er at gera gamla studentaskúlan í Hoydølum til listaliga miðstøð. Landstýrismaðurin svarar, at ongin nágreinilig ætlan fyriliggur at gera gamla studentaskúlan til listaliga miðstøð, tó at LISA í dag brúkar partar av gamla sanatoriinum til sítt virksemi.

Tað kann tó koma uppá tal at víðka samstarvið millum landið og LISA um brúk av bygningunum í Hoydølum, um eingin semja fæst millum kommununa og landið, sigur landstýrismaðurin í mentamálum.

Er kopiera
Nýggjastu sendingar í ÚV
Týsdag 17. november
Vitan
216375
Týsdag 17. november
Vitan
216297
Mánadag 16. november
Norðurljóð 16.november 2026
215027
Nýggjastu sendingar í SV
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470
Sunnudag 15. november
Møti hjá Brøðrasamkomuni.
216442

Annað frá KVF