Vilja hava radaramálið í tingið

Løgtingið er nú biðið um at avgera, at tað skal avgera, um ein radari skal byggjast í Føroyum.

Høgni Hoydal, Aksel V.Johannesen og Ruth Vang hava lagt fram uppskot til samtyktar um tað.

Uppskotið er, at løgtingið biður landsstýrið koma í løgtingið við radaranum, áðrenn avtala verður gjørd ella avgerð verður tikin um hann. 

Tey trý siga, at talan er ikki um at viðgera trúnaðarupplýsingar ella smálutir, men útvega grundleggjandi heimildina fyri, at føroyskir myndugleikar kunnu gera avtalar sum ta um radaran.

Tey vísa á, at ein kanning hjá Fróðskaparsetrinum sigur, at ein stórur meirluti í Føroyum heldur, at løgtingið eigur avgerðina um radaran.

Jenis av Rana, landssýrismaður, fer annars nú í vikuni til Danmarkar við svarinum um radaran.

Hann skal hava fund við uttanríkisráðharran og verjumálaráðharran í morgin.