Arktis størri týdning í verjusamstarvinum

Danski forsætisráðharrin, Mette Frederiksen kom til Grønlands í gjárkvøldið, har hon skal vitja til hósdagin.

Hon segði ongan iva vera um, at Arktis fer at hava størri týdning í verjusamstarvinum í framtíðini:

Í Grønlandi skal Mette Frederiksen umrøða uttanríkis-, trygdar- og veðurlagspolitikk við Múte B. Egede, landsstýrisformann.

Í verjupakkanum, sum er gjørdur um Arktis, er radarin, sum skal setast upp á Sornfelli, ein partur.

Seinnu árini er Arktis vorðin størri partur av kappingini millum stórveldini, USA, KIna og Russland. Og eftir at kríggj er brostið á í Ukraina, er týdningurin av Arktis ikki minkaður.

Størri játtan til verjuna

Ein meiriluti av flokkunum í fólkatinginum er samdur um at nýta meiri pening til verjuna. Játtanin skal verða tvey prosent av bruttotjóðarúrtøkuni, og tá komið er á mál við ætlanini, verður játtanin 20 milliardir kr. størri um árið.

Enn eru flokkarnir kortini ikki farnir at umrøða, hvønn leiklut Arktis fær í tí sambandi, segði Mette Frederiksen.