Lavrov: Ukraina og Russland nærkast semju

Ukraina og Russland nærkast semju um partar av einari friðaravtalu.

Tað sigur russiski uttanríkisráðharrin, Sergei Lavrov, í dag, sambært Reuters.

Hann sigur eisini, at partarnir umhugsa av álvara, at Ukraina skal verða uttanveltað. 

Lavrov segði við russisku RBC-tíðindarásina, at onnur viðurskifti, sum vóru týdningarmikil fyri Russland, var russiskt mál í Ukraina og talufrælsi.

Hava brúk fyri meira tíð

Samráðingarnar halda fram í dag, og ukrainski forsetin, Volodomyr Zelensky, sigur í sjónbandaðari røðu í morgun, at samráðingarstøðunar nú eru vorðnar meira realistiskar, men brúk er fyri meiri tíð og samráðingum, áðrenn tær vera til fyrimunar fyri ukrainar.

Zelensky vendi sær eisini til russar í røðuni, og heitti á tey um at venda sær ímóti krígnum. Hann ávaraði um, at kríggið fer at enda við skomm og fátækradømi hjá russum.