Stórur spenningur um franska forsetavalið

Spenningurin um franska forsetavalið er stórur eftir fyrsta valumfar, tí Marine Le Pen stóð seg væl móti sitandi forseta og favoritti at endurvinna forsetaembætið, Emmanuel Macron, sum vann við 28 móti 23 prosentum til Le Pen. 

Valkanningar vísa, at Le Pen er vælumtókt í franska arbeiðaraklassanum. Hon hevur eisini leingi vent sær til ungar veljarar undir 30 ár við at lova teimum at strika allan inntøkuskatt. 

Hóast hetta, so væntar granskarin á norska uttanríkislærustovninum, NUPI, Pernille Rieker, at Macron fer at vinna valið. 

- Í tíðini, sum vit liva í nú, trúgvi eg ikki, at ein meiriluti av fransmonnum fara at dúva upp á nakað nýtt og ótrygt, sum at taka Frankaríki úr NATO, ið Le Pen hevur ætlanir um, og sum bara ein minniluti í landinum stuðlar. Franska fólkið vil fyrst og fremst hava støðufesti og tryggleika, sigur norski granskarin við NRK.