- Tíðindi, mentan og ítróttur
Danmark skal ikki longur vera bundið at russiskum gassi
Danmark skal ikki longur vera bundið at russiskum gassi
Annað hvørt húsarhald í Danmark, sum í dag brúkar natúrgass, skal í seinasta lagi um seks ár hava skift til fjarhita, boðar danska stjórnin nú frá
- Longu komandi ár skal Danmark ikki longur verða bundið at russiskum gassi, segði Mette Frederiksen
Mynd: Ritzau / Scanpix
19.04.2022 - 10:35
- Longu komandi ár skal Danmark ikki longur verða bundið at russiskum gassi.
Tað segði Mette Frederiksen, danskur forsætismálaráðharri, á tíðindafundi í morgun.
Ætlanin er, at annað hvørt húsarhald í Danmark, sum í dag brúkar natúrgass, skal í seinasta lagi um seks ár hava skift til fjarhita.
- Óbeinleiðis verða vit tó bundin, so leingi sum vit eru partur av evropeiska gassnetinum, segði forsætisráðharrin.
Allir húsaeigarar við gass- ella oljufýri fáa í hesum árinum boð um, hvussu tey kunnu fáa fjarhita lagdan til bústaðin.
Danska stjórnin ætlar at seta fleiri átøk í verk, sum gera tað fíggjarliga lokkandi og lættari at fremja grøna orkuskiftið.
Eitt nú hevur stjórnin ætlanir at betra um møguleikarnar at fáa lán til orkuskifti.
Er kopiera
Nýggjastu sendingar í ÚV
Nýggjastu sendingar í SV
