Sálarfrøðilig skaðastova fær hægstu raðfesting

Kaj Leo Holm Johannessen, landsstýrismaður í heilsumálum, fer at hava tað sum sítt fremsta mál, at fáa fígging til skaðastovu, har fólk við sálarsjúku kunnu venda sær.

Tað sigur hann eftir, at útvarpið í gjár greiddi frá tveimum fólkum, sum eru sálarsjúk, har tey ikki fingu neyðugu hjálpina, tá tey vendu sær til læknavaktir og psykiatriska depilin. 

Súsanna Olsen, forkvinna í Sinnisbata, sigur, at tað er stórur tørvur á einari sálarfrøðiligari skaðastovu.