Bummgjaldið verður verandi

20 krónur gjaldið verður verandi.

Tað er greitt, nú tingið er á veg í summarsteðg og málið um, at strikað gjaldið fyri at koyra ígjøgnum Vágatunnilin og Norðoyatunnilin IKKI kemur aftur í tingsalin úr fíggjarnevndini, áðrenn tingfólk fara til hús í annaðkvøld.

Tað er formaðurin í fíggjarnevndini, ið ikki vil hava málið aftur í tingið.

Samgongan hevði annars avtalað ein sokallaðan samferðslupakka, har Suðuroyggin skuldi fáa eitt skip afturat, har tunnilsgjaldið í eysturoyartunlinum skuldi lækka og har gjaldið í Vágatunlinum og Eysturoyartunlinum skuldi hvørva. Tey fyrstu tingini eru avgreidd, men ikki avtøkan av bummgjaldinum.

Tunnilsgjaldið er 20 krónur aftur og fram í hesum báðum tunlunum, um tú hevur eitt hald. Ferðast tú til arbeiðis. fært tú ferðaendurgjald uppá 8 krónur og 45 oyru hvønn vegin. Tað vil siga, at tú í veruleikanum rindar 3 krónur og 10 oyru fyri at koyra til arbeiðis gjøgnum hesar báðar tunlarnar. Men fyri fleiri politikarar er talan um eitt prinsipp og eina avtalu, sum nú er brotin.