Alt ov nógv tíðaravmarkað lærarastørv

Í næstum fara flestu føroysku fólkaskúlarnir aftur at søkja eftir lærarum í tíðaravmarkað starv.

Soleiðis er hvørt ár.

Onkur hevur søkt um sama starv seks ár upp í slag, uttan at verða settur í fast starv.

- Útlitini eru óviss, og tað kenst tungt aftur í ár at skula senda umsóknir til fleiri skúlar og at fara til setanarsamrøður fyri triðju ella fjórðu ferð á sama skúla til sama starv, sigur Jacob Eli Olsen, formaður í Lærarafelagnum.