Semingsroyndin heldur fram

Semingsstovnurin heldur fram við semingsroyndini millum arbeiðsgevararnar og tey fýra arbeiðarafeløgini, sum samráðast saman.

Partarnir fóru undir semingroynd fyrrapartin í gjár, tí sáttmálin var longdur til á midnátt í gjárkvøldið.

Og samráðingarnar halda fram við tey fýra feløgini, sigur Terje Sigurðsson, semingsmaður.

So leingi, roynt verður at finna semju, verður ikki arbeiðssteðgur, sigur hann.

Havnar Arbeiðskvinnufelag, sum sjálvt roynir at gera nýggjan sáttmála, er eisini ein partur av virkseminum hjá semingsstovninum, og Havnar Arbeiðskvinnufelag og Semingsstovnurin skulu tosa saman klokkan eitt, sigur Terje Sigurðsson.