Ung í arbeiði í Sunda kommunu og í Vági

Tórshavnar kommuna ætlar ikki at bjóða ungum arbeiði í summar.

Men í Sunda kommunu verður ung í arbeiði aftur í ár. Og til ber at tekna seg longu nú. Freistin er til mánadagin 13.juni.

Í ár verður arbeitt vikurnar 26 og 27, tað er frá mánadegnum 27.juni til og við fríggjadegnum 8.juli.

Arbeiðstíðin er frá 08.00 til 16.00, fimm dagar um vikuna.

Lønin er sáttmálaavtalaða tímalønin hjá Føroya arbeiðarafelag umframt frítíðarløn.

Eisini í Vági

Eisini í Vágs kommunu verður ung í arbeiði fyri 14 til 16 ára gomul í ár.

Eisini har verður arbeitt í viku 26 og 27, fýra tímar um dagin.

Tey ungu verða sett eftir vanligum setanartreytum og lønt eftir sáttmálaavtalaðu tímalønini hjá Føroya arbeiðarafelag.

Freistin at søkja í Vági er til fríggjadagin 17.juni kl.15.00.