Stoltenberg: Kríggið kann gerast drúgt

Aðalskrivarin í Nato, Jens Stoltenberg, heitir í dag á lond í Vesturheiminum um at fyrireika seg til, at kríggið í Ukraina kann vara leingi.

Í dag eru 100 dagar síðani russisku innrásina 24. februar.

- Kríggið er vorðið eitt útlúgvingarkríggj, har ukrainar á hermótinum rinda dýrt fyri at verja sítt land. Men vit síggja eisini, at Russland er fyri stórum missi, sigur Stoltenberg.

Hann sigur, at Vesturheimurin má stuðla Ukraina fyri at tryggja best møguligan enda fyri landið.

- Okkara ábyrgd er at stuðla Ukraina. Flestu øll kríggj, og helst eisini hetta, fara fyrr ella seinni at enda við samráðingarborðið. Samstundis vita vit, at tað sum hendir við samráðingarborðið, er neyvt knýttat tí, sum hendir á hermótinum, sigur Jens Stoltenberg, aðalskrivari í Nato.