OECD: Búskaparvøksturin minkar og inflatiónin veksur

Altjóða búskapar- og samstarvsfelagskapurin, OECD, ávarar nú um, at heimssamfelagið fer at rinda dýrt fyri russisku innrásina í Ukraina.

OECD hevur eisini gjørt nýggjar metingar av búskaparvøkstrinum.

Nú væntar felagsskapurin, at búskaparvøksturin í ár bara verður umleið trý prosent. Í desember væntaði OECD, at búskaparvøksturin í ár fór at verða 4,5 prosent.

Donetsk, Ukraina, kríggj í Ukraina

Kríggið í Ukraina ávirkar eisini heimsbúskapin, og OECD væntar minni búskaparvøkstur og størri inflatión. (Mynd: Ritzau Scanpix)

Inflatiónin tvífaldast

Felagsskapurin hevur eisini endurmett inflatiónina.

Nú verður inflatiónin 8,5 prosent, sum er tvífalt so nógv, sum OECD væntaði fyrr í ár, og tað mesta síðani 1988.

- Heimurin rindar ein sera høgan prís fyri russisku innrásina í Ukraina, skrivar høvuðsbúskaparfrøðingurin, og varaaðalskrivarin í OECD, Laurence Boon. Hann leggur aftrat, at ein humaniter kreppa er á veg.

- Gongdin í krígnum ávirkar búskaparvøksturin og inflatiónina, men tað er greitt, at tey fátækastu verða meinast rakt. Tí noyðast øll at gjalda prísin fyri kríggið,  sigur Laurence Boone.