Løntakararnir seta met

Ongantíð fyrr hava so nógvir løntakarar verið í Føroyum sum nú.

Í 2021 vóru 27.529 løntakarar, sum er tað mesta síðani 1985, tá ið Hagstovan fór at skráseta tølini.

Tað eru framvegis fleiri menn enn kvinnur, sum eru á arbeiðsmarknaðinum, vísa tølini.

Við ársenda í fjør, vóru 14.154 føroyskir menn og 13.375 kvinnur í aldrinum 16-74 ár á føroyska arbeiðsmarknaðinum.

Størsta vinnugreinin er almenna fyrisitingin, ið fevnir um landssfyrisiting, kommunur- og ríkisstovnar, undirvísing og heilsu- og almannaverk.

Í almennu fyrisitingini starvaðust við ársenda í fjør 10.102 fólk, vísa tølini hjá Hagstovuni.