Stongdu matstovu, sum var ov skitin

Matstovan No.12 á Tórsvølli í Havn bleiv mikudagin í farnu viku stongd eftir eftirlitsvitjan frá Heilsufrøðiligu Starvsstovuni, tí har var ov skitið.

Johannes Jensen, stjóri í Gist og Vist, sum eigur matstovuna, tók undir við avgerðini hjá Heilsufrøðiligu Starvsstovuni.

Hann vissar um, at matvørutrygdin er í lagi í hinum matstovunum í Gist og Vist-samtakinum.

Matstovan No.12 var stongd í tveir dagar, og læt uppaftur fríggjadagin í farnu viku.

Hoyr innslag í útvarpstíðindunum.