- Tíðindi, mentan og ítróttur
Neyðugt við eykajáttan til Strandferðsluna í heyst
Neyðugt við eykajáttan til Strandferðsluna í heyst
Hvussu stóra játtan, brúk er fyri, er ikki greitt enn, men kanska millum 20 og 30 milliónir, sigur virkandi stjórin á SSL
Jóhan Petur Abrahamsen er virkandi stjóri á Strandferðsluni.
22.06.2022 - 09:17
Neyðugt verður við eykajáttan til Strandferðsluna í heyst, soleiðis sum oljuprísirnir eru nú.
Tað sigur virkandi stjórin á Strandferðsluni, Jóhan Petur Abrahamsen, við heimasíðuna in.fo.
Hvussu stóra játtan, stovnurin hevur brúk fyri, er ikki greitt, men kanska millum 20 og 30 milliónir krónur, sigur hann.
Oljuprísurin er hækkaður støðugt, og longu í november í fjør vísti Strandferðslan á, at tørvur var á størri játtan til olju.
Sambært Jóhan Peturi Abrahamsen, hevur Strandferðslan eisini biðið um 22 milliónir krónur í eykajáttan til hækkandi oljuprísin, men hon fekk bara 11 milliónir.
Harumframt gekk tað so seint at avgreiða málið um eykajáttanina, at ikki bar til at prístryggja oljuna á einum nøktandi stigi í ár, sigur virkandi stjórin við in.fo.
Høgi oljuprisurin ávirkar eisini strandfaraskipini.
Er kopiera
Nýggjastu sendingar í ÚV
Nýggjastu sendingar í SV
