Vit brúka mest tilfar fyri hvønn íbúgva

Føroyar eru tað landið í Evropa, sum brúkar mest tilfar fyri hvønn íbúgva.

Tað vísir ein uppgerð hjá Hagstovuni.

Tilfarið í føroyska búskapinum umfatar bæði innflutning ella beinleiðis útflutning úr náttúruni. Nakað av tilfari verður útflutt, og tað, sum er eftir, verður brúkt í búskapinum.

Tilfar, sum kemur beinleiðis úr náttúruni, er t.d. veiddur fiskur, grót og gras. Fyri ikki at telja sama tilfar við fleiri ferðir, verða eitt nú seyður og alifiskur ikki tikin við, tí hesi brúka innflutt tilfar og tilfeingi, sigur Hagstovan.

Lívmegn - biomassi

Mest tilfarið, sum verður tikið úr náttúruni, er lívmegn, ella biomassi.

Í 2020 vóru 700.000 tons av lívmegni, biomassa, tikin úr náttúruni. Tað fevnir um fiskiveiðu, nakað av stráfóðuri og biti hjá seyði. 

232.000 tons vóru innflutt. Tað eru m.a. matvørur, fóður og timbur.

517.000 tons av livmegni vóru útflutt, og sostatt vóru 416.000 tons brúkt í búskapinum.

Tilfar

Sandur og grót

Næststørsti bólkur er ikki-metalkend mineral, meginparturin er grót.  

Í 2020 vóru 482.000 tons av ikki-metalkendum mineralum tikin úr náttúruni, og 561.000 vóru innflutt. Innflutningurin er fyri tað mesta sandur og grót.

Nærum einki verður útflutt, so góð 1.000 tons vóru brúkt í búskapinum. 

Meginparturin av lívrunnum brennievni verður innflutt, eitt nú bensin og brenniolja. 

Sí meira um hagtølini her.