Vágatunnilin fyribils stongdur eftir ferðsluóhapp

Vágatunnilin er í løtuni stongdur eftir eitt ferðsluóhapp, ið hendi um hálvgum trý tíðina.

Sambært vakthavandi er talan um eitt ferðsluóhapp, har ein bilur hevur rent í ein annan bil, sum koyrdi sama veg. Bilarnir vóru á veg av vágoynni.

- Fráboðanin kom klokkan 14.31, og har eru nógv fólk á staðnum. Bæði sjúkrabilar og sløkkiliðsbilar, segði vakthavandi á politistøðini, Jóannes Østerø við útvarpið.  

- Innleiðandi halda vit ikki, at talan er um álvarsligan persónsskaða, men samstundis er tað altíð ein vansi í slíkum støðum, og tí verða øll neyðug trygdaratlit tikin, sigur vakthavandi á politistøðini. 

Í løtuni er óvist, nær Vágatunnilin letur uppaftur.