Skip brotnað av um tvøran

Skipið hevði fingið so mikið stóran skaða, at tað er brotnað av um tvøran.

Myndugleikarnir í Hongkong siga, at skipið varð funnið góðar 300 kilometrar sunnan fyri Hongkong.

Manningin umborð taldi 30 fólk, men higartil er tað bert eydnast at bjarga trimum monnum, skrivar Reuters-tíðindastovan.

Tað er tropiska ódnin, Chaba, sum ger bjargingarroyndina serliga torføra, og vindmegin er yvir 30 metrar um sekundið.

Hetta er fyrsta tropiska ódnin, sum rakar Hongkong í ár.