Fólkaskúlaráðið styrkjast

Nú verður Fólkaskúlaráðið styrkt.

- Vit arbeiða við at styrkja Fólkaskúlaráðið soleiðis, at tey hava møguleika fyri at heita á serkøn fólk, tá mál eru til viðgerðar, sigur Jenis av Rana, landsstýrismaður í mentamálum við Skúlablaðið.

Fólkaskúlaráðið, sum tók við í januar 2020, situr til eftir ársskiftið komandi ár. Ráðið hevur havt fleiri uppgávur, og landsstýrismaðurin fer at heita á ráðið um eftir summarsteðgin at viðgera, hvussu vit fáa tryggari starvssetanir í fólkaskúlanum. 

Í ráðnum sita fólk, sum umboða ymsar tættir og liðir í fólkaskúlanum, men tað er ikki nóg mikið, heldur landsstýrismaðurin.

- Fólkaskúlaráðið skal styrkjast soleiðis, at ráðið hevur møguleika fyri at heita á serkøn fólk í viðgerðini av ymsu spurningunum, tey fáa, sigur Jenis av Rana við Skúlablaðið.