Undantaksstøða í Sri Lanka

Ófriðurin og mótmælini halda fram í Sri Lanka, og í dag verður landið lýst í undantaksstøðu.

Undantaksstøðan er galdandi fyri alt landið, og hon varð lýst bert fáar tímar eftir, at forsetin Gotabaya Rajapaksa í nátt flýddi úr landinum til Maldivurnar.

Sambært BBC mótmæla íbúgvar í Sri Lanka vánaligu fíggjarstøðuna í landinum. Millum eru hava tað verið øgiligar príshækkingar í landinum, og inflatiónin er voksin meira enn 50 %. Fleiri staðni er streymurin í landinum sløknaður, og so vantar so nógvur heilivágur, at vandi er fyri, at heilsuverkið hoknar undan.

- Nú forsetin ikki er í landinum, er neyðstøða lýst í Sri Lanka fyri at fáa tamarhald á kreppuni her, sigur Dinouk Colombage, talsmaður hjá forsætisráðharranum.

Í dag - sami dagur, sum undantaksstøðan var lýst, gjørdu mótmælisfólk innrás á skrivstovuna hjá Ranil Wickremesinghes, forsætisráðharra, í høvuðsstaðnum Colombo.