Ljósleiðarar í hvørt hús á Tvøroyri

Ljósleiðarar skulu nú leggjast í hvørt hús á Tvøroyri.

Tvøroyrar kommuna hevur tikið avgerð um at loyva NETI, dótturfelagnum hjá Føroya Tele, at byrja uppá verkætlanina.

Neyðugt er at leggja ljósleiðarar í hvørt hús á Tvøroyri, so býurin kann mennast við tíðarhóskandi og skjótari internetsambandi, sigur kommunan.

Nógvastaðni verður neyðugt at fresa spor í koyribreytina fyri at leggja ljósleiðarar, har rør ikki liggja frammanundan.

Tað er fyritøkan MTV byggirivki í Froðba, ið skal gera verkætlanina.