Guterres skelkaður

Guterres skelkaður
ST-aðalskrivarin Antonio Guterres er skelkaður um russiskt rakettálop í gjár
Mynd: Ritzau Scanpix  
 
15.07.2022 - 10:14

ST-aðalskrivarin Antonio Guterres er skelkaður um russiska rakettálopið í gjár á ein ukrainskan stórbý. 

Tríggjar russiskar rakettir raktu ein skrivstovubygning, og fleiri bygningar í grannalagnum fingu skaða í býnum Vinnytsia har vesturi í Ukraina.

23 fólk lógu eftir á,  m.a. trý børn, og meira enn 100 fólk vórðu særd, siga ukrainskir myndugleikar.

Býurin liggur í útsynning úr Kyiv og langt burtur frá hermótinum í eystur-Ukraina. 

Ukrainski forsetin, Volodymyr Zelenskyj, sigur, at hetta er yvirgangur.

Russiska verjumálaráðið, sum sýtur fyri at hava sivilfólk sum mál, hevur enn ikki gjørt viðmerkingar um álopið, skrivar BBC.

Umsitingin hjá ukrainska forsetanum sigur, at Kalibr-krússararakettir vórðu brúktar, og tær vórðu skotnar frá einum kavbáti í Svartahavi.

- Eftir hetta kann eingin vera í iva um, at tørvur er á serligum dómstóli fyri russisku álopini á Ukraina alt fyri eitt, sigur Volodymyr Zelenskyj, forseti í Ukraina.

Í fráboðan frá talsfólkinum hjá Guterres stendur, at aðalskrivarin fordømir eitt og hvørt álop móti sivilum ella sivila undirstøðukervinum. 

Hann endurtekur eisini, at tey, sum fremja slíkar illgerðir, skulu standa til svars fyri tað.

Er kopiera
Nýggjastu sendingar í ÚV
Fríggjadag 2. mai
Vikuskiftið 2 mei 2025
191349
Fríggjadag 2. mai
RagnarRokk: Schmier um Birth of Malice
191321
Fríggjadag 2. mai
Morgunlestur fríggjadagur 2.mai 2025
191016
Hósdag 1. mai
RagnarRokk 1.mai 2025
190925
Nýggjastu sendingar í SV
Fríggjadag 2. mai
Veðrið
191347
Fríggjadag 2. mai
KAKUMiKS (5:7)
191336
Hósdag 1. mai
Grønir fingrar (1:3)
191286
Mikudag 30. apríl
Dagur og vika - teknmálstulkað
191210
Týsdag 29. apríl
Veðrið
191187