Samráðingarleiðari: SAS-verkfallið byrjar at blíva óforsvarligt

Samráðingarleiðarin í ósemjuni millum SAS og flogskipararnar vil fegin, at ein nýggjur sáttmáli kemur undir land í dag.

Tað segði hon stutt undan dagsins samráðingum í Stockholm í dag.

- Vit eru komin har til, at tað byrjar at verða óforsvarligt, tí SAS missir so nógvan pening, sigur Marianne Hernæs. samráðingarleiðari.

Marianne Hernæs, samráðingarleiðari, sigur, at tað nú stendur til SAS, hvat víðari skal henda, um partarnir longu í dag ikki kunnu semjast um ein nýggjan sáttmála.

SAS, Marianne Hernæs

Seint í gjárkvøldið skiltust sáttmálapartarnir eftir at hava sitið við samráðingarborðið í 33 tímar í Stockholm.

Í dag eru 14 dagar síðani, at flogskipararnir fóru í verkfall og løgdu arbeiðið niður tann 4. juli.

Mett verður, at verkfallið higartil hevur kostað skandinaviska flogfelagnum umleið eina milliard krónur.

Verkfallið hjá flogskiparunum rakar útivið 30.000 ferðafólk hvønn dag.