Heðin nevndarformaður í Føroya Arenu

Nevndin í Føroya Arenu hevur skipað seg við Heðini Mortensen, borgarstjóra í Tórshavnar kommunu, sum formanni, og Guðrið Højgaard, stjóra í Visit Faroe Islands, sum næstforkvinnu.

Limirnir í nevndini eru Heðin Mortensen og Annika Olsen, sum umboða Tórshavnar býráð, Bergur Poulsen fyri Vinnuhúsið, Elin Heðinsdóttir Joensen fyri ÍSF og Guðrið Højgaard, sum umboðar Visit Faroe Islands.

Á fyrsta fundinum, har nevndin skipaði seg, legði Jógvan Emil Nielsen fram ætlanina um stórhøllina. Viðtøkurnar fyri grunnin vóru samtyktar, og felagið er eisini skrásett.

Nevndin fer nú til verka, og bygginevnd verður sett, sigur Tórshavnar kommuna.