Trump heldur uppá, at hann vann forsetavalið

Fyrrverandi amerikanski forsetin, Donald Trump, var í gjár á fyrsta sinni í Washington, síðani hann fór úr embætinum í januar 2021.

Trump helt røðu fyri granskingarstovninum, American First Policy Institute, og hann endurtók uppáhaldini um valsvik á forsetavalinum í 2020.

Sambært bretska blaðnum, The Guardian, segði fyrrverandi forsetin eisini, at tað var hann, sum vann valið í 2020, og ikki Joe Biden.

Trump hevur higartil hvørki váttað ella avsannað, um hann stillar upp til forsetavalið í 2024, skrivar tíðindastovan, Ritzau.

Ráðgevararnir hava heitt á hann um at brúka meira orku upp á at tosa um framtíðarætlanir og minni tíð upp á valið í 2020, skrivar AP.

Fyrrverandi forsetin fanst eisini at nevndini, sum kannar álopini á Kongressina 6. januar í fjør, skrivar The Guardian.

Trump segði í farnu viku, at skuldsetingarnar um, at hann ikki lætst um vón, tá ið Kongressin varð álopin, eru "líka so falskar sum Joe Biden", sum hann tá málbar seg.