Diabetesviðgerðin verður lyft upp á hægri stig

Diabetesfelagið fegnast um, at diabetesmiðstøð verður skipað í Føroyum, í samstarvi millum Novo Nordisk grunnin og Heilsumálaráðið.

Novo Nordisk grunnurin ætlar at brúka 121 milliónir kr. i Føroyum næstu árini, og Kaj Leo Holm Johannesen, landsstýrismaður, hevur biðið løgtingið um loyvi til taka við hesum pengunum.

Pengarnir skulu brúkast í árunum 2023 til og við 2032 til at fíggja rakstur og løgur í samstarvinum millum Novo Nordisk grunnin og Heilsumálaráðið um átøk í viðgerð, tvørgeiraligt samstarv og gransking í diabetes og endokrinologiskum sjúkum.

At ein Steno-miðstøð nú verður sett á stovn í Føroyum, fer at lyfta diabetesviðgerð upp á eitt hægri stig, sigur Maj-Britt Skoradal, forkvinna í Diabetesfelagnum.

Hoyr innslag í útvarpstíðindunum her:

Løgtingið fer at viðgera uppskotið um pening úr Novo Nordisk grunninum fyrrapartin í morgin.