Søren Espersen kallar í samráð um sildina

Tað er Søren Espersen, framsøgumaður í Føroyamálum hjá Dansk Folkeparti, sum hevur biðið um samráðið.

Hann vil vita, um tað er brot á heimastýrislógina, um danir steingja sínar havnir fyri føroyingum. Hann vísir á, at heimastýrislógin sigur, at munur skal ikki gerast á dønum og føroyingum í ríkisfelagsskapinum.

Søren Espersen fer eisini at seta spurningar um ES-bannið, og hvat danska stjórnin fer at gera í málinum næstu vikurnar.

Enn er ikki greitt, nær samráðið verður.

Dansk Folkeparti hevur alla tíðina verið sera ivasamt mótvegis ES.