Stýrisformaður: ALS-inngjaldið eigur at lækka

Við árslok í 2021 vóru 28.068 løntakarar í Føroyum, og er hetta tað mesta, sum nakrantíð er skrásett í Føroyum.

Arbeiðsloysið er eitt prosent, og tí eru útreiðslur til útgjøld eisini smáar.

Úrslitið av hesum er, at ALS hevði 134 milliónir krónur í avlopi í 2021, og tað er tað næstmesta í søguni hjá grunninum.

Lækkaði 1. januar

ALS-gjaldið lækkaði 1. januar, úr 1,25% niður í 1%, og Føroyar hava minsta arbeiðsloysið í Evropa. 

Eginognin, sum er yvir milliardina, er tann mesta nakrantíð.

Í desember í fjør vóru fyri fyrstu ferð nakrantíð goldnar oman fyri eina milliard krónur út í lønum í Føroyum.

HOYR SAMRØÐUNA VIÐ STÝRISFORMANNIN, EYÐFINN JACOBSEN.