Dómur í søguliga stórum rættarmáli í dag

Í dag verður dómur feldur í søguliga stórum rættarmáli í býarrættinum í Keypmannahavn. 

Rættarmálið hevur fingið heitið "Operation Greed". 

Tað upplýsir danska kringvarpið.

17 menn og tríggjar fyritøkur eru ákærd í málinum. Tey eru ákærd fyri at hava hvíttað hálva milliard krónur og fyri at framt fíggjarundandrátt í sambandi við skatt og meirvirðisgjaldi fyri 295 milliónir krónur, harumframt fyri at skriva falskar rokningar.

Tey ákærdu nokta seg sek.

Umleið 900 fyritøkur vóru kundar í netverkinum, sum gjørdi svart arbeiði og skrivaði falskar rokningar, skrivar Ritzau.

Tað hevði við sær, at danski statskassin bleiv snýttur fyri 295 milliónir krónur í A-skatti, meirvirðisgjaldi og arbeiðsmarknaðargjaldi.

Tríggir danskir-pakistanskir brøður eru ákærdir í málinum. Tveir teirra og tveir aðrir menn eru ákærdir fyri at vera bulurin í netverkinum.