Fyrsti nýbygningur í 45 ár

Fyrsti nýbygningur í 45 ár
Akraberg FD 10 er fyrsti nýbygningur, sum er skrásettur í Fuglafirði síðani 1977. Í gjár var stórfingin móttøka fyri nýggja skipinum
Nógv fólk tók ímóti, tá Akraberg kom til Fuglafjarðar í gjárkvøldið.
Mynd: FaroePhoto.  
 
19.08.2022 - 11:20

Fleiri hundrað fólk vóru komin saman á bryggjuni niðan fyri høvuðssætið hjá Framherja, tá nýggi Akraberg fyrstu ferð kom á Fuglafjørð í gjárkvøldið. Skipið var latið eigarunum av Brattvaag skipasmiðjuni í Ålesund 1. juli, men fór haðani beinleiðis til fiskiskap í Barentshavinum.

Í gjár kom skipið á Fuglafjørð við umleið 860 tonsum av botnfiski, sum í dag verða landað til Bergfrost.

Akraberg er fyrsti nýbygningur hjá reiðarínum Framherja, sum varð stovnað í 1994. Og talan er eisini um fyrsta nýbygning við heimstaði í Fuglafirði síðani 1977.

 

(Mynd: FaroePhoto)

 

87 skip og deksbátar

Sigurð S. Simonsen, fyrrverandi borgarstjóri og vinnulívsmaður, hevur gjørt eitt yvirlit yvir skipini, sum eru komin til Fuglafjarðar, síðani Gamli Sámal Petur Petersen keypti tveymastraðu skonnartina Florence úr Bretlandi í 1892.

Síðani eru umleið 87 skip og deksbátar komin til bygdina, tey flestu tó keypt brúkt. Sambært yvirlitinum hjá Sigurði S. Simonsen eru hesi níggju nýbygdu skip komin til Fuglafjarðar síðani 1937:

 

 

Brandur var ein stórur útróðrarbátur, góðar 17 metrar langur og fýra metrar breiður. Til samanberingar er nýggi Akraberg 84 metrar langur og smáar 17 metrar breiður.

 

Kringvarpið var við til móttøkuna í Fuglafirði í gjárkvøldið, og meira verður at síggja í Degi & Viku i kvøld.

 

 

(Mynd: FaroePhoto)

 

(Mynd: FaroePhoto)

Er kopiera
Nýggjastu sendingar í ÚV
Mikudag 18. november
Vágskálin: Frá Jóannesi bónda til Frú S
216535
Mikudag 18. november
Skratsj 18. nov. 2026
216628
Mikudag 18. november
Mono 3 - Fróði Løksagarð - 181126
216627
Mikudag 18. november
Mannakor og korona 1:4
216604
Nýggjastu sendingar í SV
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486