Grønland: Einki avlop fyrr enn í 2025

Í Grønlandi væntar landsstýrið ikki avlop í fíggjarlógini fyrr enn í 2025.

Í uppskotinum um fíggjarlóg fyri 2023 er hall. Og landsstýrið væntar eisini hall í 2024.

Orsøkin er korona og kríggið í Ukraina.

Børn og ung eru raðfest í uppskotinum um fíggjarlóg fyri 2023.

Kunnu ringja alt samdøgrið

Millum annað fer telefonin, sum fólk, eisini børn og ung, kunnu ringja til, hava tey trupulleikar, at svara alt samdøgrið. Nú svarar hon millum kl.08.00 til 22.00.

Endamálið er millum annað at fyribyrgja sjálvmorðum. 

Hetta fer at kosta 2,9 mió. kr. 8,7 milliónir vera brúktar til at viðgera sálarsjúk børn og ung. Og einsamøll foreldur fáa fleiri pengar.

Og skattaskipanin verður endurskoðað.