Mótmæli og viðmerkingar um ætlan at broyta byggisamtykt

Fimm mótmæli og viðmerkingar eru komin um ætlanina hjá Tórshavnar kommunu at broyta byggisamtyktina fyri miðbýarkjarnan í Havn.

Uppskotið er liður í arbeiðinum at endurskoða ásetingarnar fyri eitt avmarkað øki í miðbýnum.

Talan er um Tórsgøtu, Sverrisgøtu og Magnus Heinasonargøtu.

Ætlanin er at byggja íbúðir í bygningunum hjá Frants Restorff. 

Í sambandi við ætlanina at broyta byggisamtyktina fyri Kirkjubø hava tvey gjørt vart við seg.

Uppskotið er at broyta byggisamtyktina, so nakrir matriklar í Kirkjubø, sum nú eru ætlaðir til bóndahús og frílendi, kunnu brúkast til almennar stovnar.