Í næsta ár ella bara næsta ár

Fólk eru ójøvn á máli um, tað er rætt at siga í næsta ár ella ikki. Hetta kemst óivað av, at vit siga í næstu viku, í næsta mánaði og tí fáa hug til at siga í næsta ár.

'Hetta verður ikki fyrr enn í næsta ár'.

- Gamalt var, at tað er nóg mikið at siga næsta ár, sigur Elin Henriksen, málkøn.

So eftir gomlum siði er tað nóg mikið at siga: 'Hetta verður ikki fyrr enn næsta ár'.

Leggjast skal tó afturat, at hendan reglan er nakað flótandi, og tað sæst aftur í dømum sum í gjár, í fyrradagin (har nøkur siga bara fyrradagin) og í ovurmorgin.