Nú vera tingfundir aftur

Løgtingið hevur nú fundir aftur. Tingfundir vera 6. og 7.september.

6.september skal tingið viðgera uppskotið til samtyktar frá Javnaðarflokkinum um rættin hjá føroyingum at ganga í haganum ókeypis.

Flokkurin heldur tað ikki vera órímiligt, at gjald verður tikið frá útlendskum ferðafólkum og vinnuligum virksemi, og avmarkingar settar, sum skulu verja okkara náttúru. 

Eisini í løglistanum

Gongd í haga stendur eisini í løglistanum hjá landsstýrinum í ár.

Løgmaður segði á ólavsøku, at skiljast skal millum privata og vinnuliga gongd í haga. 

Føroyingar skulu, eins og siðvenjan hevur verið, hava møguleika at njóta føroysku náttúruna, segði hann. 

Munnligir fyrispurningar

Mikudagin 7.september eru munnligir fyrispurningar í løgtinginum.

Hesa vikuna hevur Útnorðurráðið ársfund í Grønlandi.

Seks løgtingsfólk eru í Útnorðurráðnum.