Sjagaklettur skal partrola við Vesturleika

Sjagaklettur partrolaði við Gullberg, sum herfyri sakk norðanfyri Føroyar. Tískil var tørvur á at finna nýtt skip, ið Sjagaklettur kundi partrola við, og tað bleiv so Vesturleiki.

Vesturleiki, sum er heimahoyrandi í Sørvági, hevur fiskað 500 tons av makreli higartil í ár.

Sjagaklettur hevur júst verið á sleipistøð til kanningar í kjalavørrinum á, at Gullberg sakk. Men sambært tí, sum VP skilir, so var einki óvanligt við trolaranum.

Tað er enn ikki greitt, hví Gullberg sakk, heldur ikki er greitt, nær sjóforhoyr verður.