13 vilja vera vinnu- og mentanarstjóri í Klaksvík

13 fólk hava søkt starvið sum vinnu- og mentanarstjóri í Klaksvíkar kommunu. 

11 umsóknir eru frá monnum og tvær frá kvinnum. 

Vinnu- og mentanarstjórin myndar leiðsluna í kommununi saman við borgarstjóranum, kommunustjóranum, trivnaðarstjóranum og tekniska stjóranum.

Áramálssett og viðbót

Starvið verður lønt í 36. lønarflokki hjá Tænastumannafelagnum, tó uttan at vera tænastumannastarv. Harumframt verða 15% goldin í eftirlønargjaldi. 

Av tí at starvið er áramálasett, verður ein áramálsviðbót latin.

Starvið verður sett 1. november, ella eftir nærri avtalu. 

Eirikur í Jákupsstovu hevur verið Vinnu- og mentanarstjóri í Klaksvík síðani 1. januar 2019. Hann fer nú í annað starv.