Pólland krevur Týskland eftir 9.800 milliardum í endurgjaldi

Stjórnin í Póllandi fer í næstum at krevja 9.800 milliardir krónur í endurgjaldi frá Týsklandi.

Póllendingar hava gjørt av alment at biðja um krígsendurgjald frá týskarum, afturfyri oyðileggingar, sum vóru framdar, tá Nazitýskland gjørdi innrás í Póllandi undir seinna veraldarbardaga.

Tað verður mett, at nazistiski herurin elvdi til eitt fíggjarligt tap upp á umleið 6.200 milliardir zloty í Póllandi. Tað svarar til 9.800 milliardir krónur.

Avmarkað útrokning

- Vit eru komin fram til hetta talið við at nýta avmarkaðar og konservativar útrokningar. Tískil ber til at hækka upphæddina seinni, sigur Jaroslav Kaczynski, formaður í pólska flokkinum, PiS.

Týskland hevur áður gjørt vart við, at málið um krígsendurgjald varð umrøtt út í æsir, tá Týskland var sameint í 1990. 

Næstan seks milliónir póllendingar doyðu undir seinna veraldarbardaga, eftir at týskarar gjørdu innrás í Póllandi í 1939. 

Helmingurin av teimum vóru jødar.