Alivinnan kann gera meira fyri at avmarka plastdálking

"Vit hava ikki gjørt alt tað, vit kunnu," sigur Atli Gregersen, stjóri í alifyritøkuni Hiddenfjord, í kjalavørinum av nógv umrøddu myndini á netinum, har 27 plast-ringar frá bio-filtrum á smoltstøðunum eru funnin í maganum á einum havhesti. 

Atli Gregersen

Hann væntar tó ikki, at plast-ringarnir eru frá Smoltstøðunum hjá Hiddenfjord.

dálking, plastdálking, biofiltur, Skálabotnur, Skálafjørður

Um vikuskiftið segði Regin Jacobsen, stjóri í Bakkafrosti, við útvarpið, at teirra fyritøka hevur eftirkannað sínar skipanir, og teir funnu onki hol, har biofiltur møguliga kundu fara á sjógv. 

Eisini stjórin í Mowi, Hans Jákup Mikkelsen, sigur, at tey hava eftirkannað sínar skipanir.

"Allar okkara skipanir eru í lagi, og vit hava ikki havt nakað óhapp," segði Hans Jákup Mikkelsen við Kringvarpið í gjár.

Hans Jákup Mikkelsen, Mowi

Alivinnan má samstarva við Havstovuna

Atli Gregersen sigur, at hann heldur, at eindømi við 27 plast-ringum kann benda á, at talan ikki er um útlát frá sjálvum smoltstøðunum.

Eisini ynskir hann, at alivinnan fær samstarv við Havstovuna fyri at kanna trupulleikan nærri.