![](https://kringvarp.fo/sites/default/files/styles/myndasavn-width/public/img_1237.jpg?itok=99I10z1q)
- Tíðindi, mentan og ítróttur
Bíða tríggjar mánaðir at skifta mjødn
![](https://kvf.fo/sites/default/files/styles/grein-ovasta-mynd/public/vlcsnap-2022-05-02-10h17m44s453.png?itok=c9tD3uYe)
Fólk, sum skulu skifta mjødn, noyðast at bíða í minsta lagi tríggjar mánaðir.
Tað sigur Kaj Leo Holm Johannesen, landsstýrismaður, í svari til Ingilín D. Strøm, løgtingskvinnu.
Hann sigur, at á Landssjúkrahúsinum er bíðitíðin í løtuni okkurt um tríggir mánaðir frá ávísing til fyrstu viðtalu.
Verður avgjørt at fara beint til skurðviðgerð, er bíðitíðin tríggir mánaðir.
Tey, sum bíða eftir mjadnaskurðviðgerð í Klaksvíkar sjúkrahúsi, verða viðgjørd í aðru viku.
Átta bíða eftir viðgerð í Klaksvík
Í Klaksvík gera tveir læknar, sum vanliga arbeiða í sjúkrahúsum í Noregi og Svøríki, mjadnaskurðviðgerðir í seks vikur um árið.
Í løtuni bíða átta fólk eftir mjadnaskurðviðgerð á Klaksvíkar sjúkrahúsi. Tey verða viðgjørd í aðru viku.
Á Klaksvíkar sjúkrahúsi er bíðitíðin annars í miðal tríggir mánaðir frá ávísing til skurðviðgerð, sigur landsstýrismaðurin.
Hann sigur eisini, at allar skurðviðgerðir, sum korona útsetti, eru gjørdar fyri langari tíð síðani.