Líkið av øðrum manninum funnið

Kanadiska løgreglan sigur seg hava funnið líkið av øðrum manninum, sum hon jagstraði eftir minst 10 knívdráp og minst 18 særd fólk sunnudagin.

Líkið er funnið, og løgreglan sigur, at líkið hevði løstir, sum maðurin sjálvur ikki kann hava gjørt.

Samstundis upplýsir løgreglan, at menninir, sum vóru jagstraðir, eru brøður, 30 og 32 ára gamlir, og at løgreglan framvegis jagstrar hin bróðurin.

Fólk siga seg hava sæð hann á lívi í einum býi, men løgreglan ávarar fólk og sigur, at talan er um upplýsingar, sum eru meir enn eitt samdøgur, og tí mugu fólk ansa eftir.

Maðurin er vápnaður og vandamikil, sigur kanadiska løgreglan.