Ríkisveitingin minkar, tá farsóttarøkið verður yvirtikið

Nú farsóttarmálsøkið skal yvirtakast, fer ríkisveitingin úr Danmark ivaleyst at minka.

Tað stendur í viðmerkingunum um lógaruppskotið um yvirtøkuna.

Har stendur, at sum grundregla eigur næsta blokkstuðulsveiting at minka, tí at nú vera málsøkini “Epidemi,  vaccinationer og kønssygdomme” ikki longur við í blokkstuðulsskipanini.  

Men, hvussu ríkisveitingin skal minka, skulu Føroyar og Danmark samráðast um.

Koppsetingin kostar

Í nógv ár hava útreiðslurnar av farsóttarmálsøkinum verið sera lítlar, tí ongar farsóttir hava verið.  

Tað eru bara koppsetingarnar, sum kosta.

Tær kostaðu tríggjar milliónir um árið fyri koronu.

Í 2022 vera tær mettar at vera góðar átta milliónir.