Ráðførir seg um makrelsamráðingar

Eftir døgurða í dag fer Árni Skaale, landsstýrismaður í fiskivinnumálum, at ráðføra seg við Uttanlandsnevndina hjá løgtinginum um at áseta eina føroyska samráðingarheimild viðvíkjandi samráðingum millum strandarríkini um makrelbýtið.

Strandarlondini hava fleiri ferðir í ár roynt at finna semju um, hvussu makrelurin skal býtast millum londini, men higartil til fánýtis.

Hendan vantandi semjan ger, at londini áseta sær sjálvum kvotu.

Hetta ger, at alt ov nógv verður fiskað sambært fiskifrøðingum.