Hansina Iversen ger listaverk til drotningina

Føroyska listakvinnan, Hansina Iversen, skal saman við tveimum øðrum listakvinnum gera eitt listaverk, sum skal latast Margrethu drotning í gávu, nú hon hevur verið drotning í 50 ár. 

Fólkatingið er gevari, og listaverkið skal vera við Norðuratlantsbryggjuna í Keypmannahavn.

Listagávan skal hava støði í ríkisfelagsskapinum, og listakvinnurnar Hansina Iversen úr Føroyum, Gudrun Hasle úr Danmark, sum hevur framsýning i Norðurlandahúsinum í løtuni, og Jessie Kleeman úr Grønlandi skulu gera tað.

Grundarlagið undir verkinum verða vatn ella sjógvurin, sum bæði skilir og bindur okkum saman. 

Hansina Iversen arbeiðir vanliga abstrakt, men hetta listarverkið hevur 18 figurar. 

Hoyr innslag í útvarpstíðindunum:

Listaverkini skulu eftir ætlan vera liðug í 2023.

Fólkatingið hevur játtað 2,5 mió. krónur til løn til listafólkini, at gera listaverkini og seta tey upp.

Hansina Iversen og listaverk til drotningina, Hansina Iversen

Jessie Kleeman, listaverk til drotningina

Gudrun Hasle, listaverk til drotningina