![](https://kringvarp.fo/sites/default/files/styles/myndasavn-width/public/ulf_0.jpg?itok=SuknFFRi)
- Tíðindi, mentan og ítróttur
Tapti valið, men heldur fram sum forkvinna
![](https://kvf.fo/sites/default/files/styles/grein-ovasta-mynd/public/magdalena_6.jpg?itok=Q93_3SQ4)
Úrslitið av svenska ríkisdagsvalinum er greitt, og tað vísir borgarligan meiriluta.
Teir fýra flokkarnir á borgarliga veinginum fingu 176 sessir í ríkisdegnum, meðan flokkarnir á vinstraveinginum fingu 173 sessir.
Svenski forsætisráðharrin, Magdalena Andersson, viðgekk í gjárkvøldið, at hon hevði tapt valið, og hon boðaði frá, at hon í dag fer at leggja frá sær sum forsætisráðharri.
Heldur fram sum forkvinna
Magdalena Andersson fegnaðist um, at svenski Javnaðarflokkurin hevði framgongd á valinum, men iðraði seg um, at tað ikki var nóg mikið til at halda fram sum forsætisráðharri.
Og hon gjørdi greitt, at hon fer at halda fram sum forkvinna í flokkinum.
Og hon segði seg hava varhugan av, at borgarligu flokkarnir fara at samstarva við Svøríkisdemokratarnar, heldur enn at royna at finna eina semju tvørtur um miðjuna í svenskum politikki:
Magdalena Andersson duldi ikki fyri, at hon ivast stórliga, hví so nógvir sviar velja Svøríkisdemokratarnar, tí flokkurin breiðir hatur, men hon segði seg kortini skilja svenska fólkið:
Formaðurin fyri Moderatarnar, Ulf Kristersson, hevur alla tíðina sagt seg miða eftir eini borgarligari stjórn, og at hann sjálvur verður forsætisráðharri: