Gongd í haga aftur í tinginum

Løgtingið fer í dag at viðgera afturvendandi spurningin um gongd í haga.

Javnaðarflokkurin hevur uppskot til samtyktar um rættin hjá føroyingum at ganga í haga.

Tingfundurin er kl.11.

Javnaðarflokkurin hevur eisini uppskot til samtyktar um at leggja allar almennar bygningar um frá olju til varandi orkuskipanir, og um at játta meirvirðisgjaldið av útlendskum stroymingartænastum til føroyskan film, tónleik, mentan og list.

Tingfundur verður aftur mikudagin 28. september 2022.

Tá eru fyrstu ófráboðaðu fyrispurningarnir í hesari tingsetuni á dagsskránni.