Vil ikki halda fram í Etiska ráðnum

Vil ikki halda fram í Etiska ráðnum
Ann Danielsen, sum var vald aftur í ráðið, hevur boðað frá, at hon heldur ikki fram
Ann Danielsen gevst í Etiska ráðnum.
 
22.09.2022 - 11:48

Kaj Leo Holm Johannesen, landsstýrismaður í heilsumálum, skal velja ein nýggjan lim í Etiska ráðið. 

Ann Danielsen, serlækni í kvinnusjúkum, sum var ein av teimum trimum limunum, sum kundi halda fram í ráðnum, upplýsti í skrivi til ráðið fyrradagin, at hon vil ikki halda fram í ráðnum. 

Í grundgevingini skrivar hon, at manglandi virðingin fyri fráfarandi forkvinnuni, Annu Mette Greve Klemensen, og tað, at hon ongantíð sjálv er spurd, um hon vil halda fram, eru millum orsøkirnar til avgerðina. 

Valið hevur kortini einki við nýggju limirnar í ráðnum at gera. 

Ann Danielsen skrivar, at hon frammanundan var í iva, um hon skuldi taka við møguligum afturvali. 

Er kopiera
Nýggjastu sendingar í ÚV
Nýggjastu sendingar í SV
Týsdag 26. mars
Veðrið
172832
Mánadag 25. mars
Beautyvarpið við Tanju
172718
Sunnudag 24. mars
Mein fyri lívið
172652